Luyini ucwaningo lwe-SCORPIO-PEP?
Yize kunemizamo yomhlaba wonke yokugomela i-COVID-19, kuye kwavela izinhlobo ezihlukene ze-SARS-CoV-2. Lezi zinhlobo ezintsha zegciwane zingasakazeka kalula futhi zinciphise isivikelo somuthi wokugoma. Kunengcuphe yokugula okubucayi, ukulaliswa esibhedlela, nokufa kubantu abagonyiwe abanezifo ebezilokhu zikhona. Kudingeka ukwelashwa okusha kokuvimbela ukusakazeka kwe-COVID-19.
Ucwaningo lwe-SCORPIO-PEP lwenzelwa ukuthola ukuthi ingabe umuthi osaphenywa, i-S-217622, ungayivimbela yini i-COVID-19 kulabo abachayeke kuyo.
Ukuqonda ucwaningo lwe-SCORPIO-PEP
Buka le vidiyo ukuze ufunde kabanzi ngocwaningo lwe-SCORPIO-PEP
Ukuqonda Izivivinyo Zezokwelapha
Ucwaningo lwezokwelapha luyizinhlobo zocwaningo olwenzelwa ukufunda kabanzi mayelana nendlela umzimba osabela ngayo emuthini othile nokuthi ingabe lowo muthi uyasebenza yini esifweni noma ekuguleni okuthile. Buka le vidiyo ukuze ufunde kabanzi ngezivivinyo zezokwelapha nokuthi zisebenza kanjani.
Ubani ongabamba iqhaza?
Kunezinhlobo ezimbili zabantu abangajoyina lolu cwaningo.
Ababambiqhaza
yilabo:
Abaneminyaka eyi-12 ubudala noma ngaphezulu
Abatholwe bengenayo i-COVID-19 uma behlolwa
Abavumayo ukujoyina ucwaningo engakapheli amahora angama-72 ngemuva kokuqala kwezimpawu ze-COVID-19 esigulini esiyinkomba
Abazimisele ukugcwalisa idayari yesiguli
Iziguli eziyinkomba
yilabo:
Abayizingane noma abantu abadala banoma ibuphi ubudala
Abangabantu bokuqala abatholwe bene-COVID-19 emndenini uma behlolwa.
Abatholwe bene-COVID-19 uma behlolwa phakathi namahora angama-72 noma ngaphansi okufakwa ngokungahleliwe kombambiqhaza
Abanophawu okungenani olu-1 lwe-COVID-19 phakathi namahora angama-24 benikeze imvume/bevumile.
Kuyini ukwelashwa kokuvimbela isifo?
Ukwelashwa kokuvimbela isifo okucwaningwayo yi-S-217622. I-S-217622 umuthi ophuzwa ngomlomo izinsuku ezi-5 zilandelana.
Akukho ukwelashwa kokuvimbela isifo okuzonikezwa iziguli eziyinkomba.
Kuyoba namaqembu amabili okwelashwa kwababambiqhaza ocwaningweni lwe-SCORPIO-PEP.
Iqembu 1: I-S-217622
Iqembu 2: Umuthi-mbumbulu
(engenasithako esisebenzayo)
Kwenzekani ngesikhathi socwaningo?
Ezigulini eziyinkomba, ubude bocwaningo buzoba okungenani usuku olu-1 futhi lungeqi ezinsukwini ezi-3.
Kubabambiqhaza, ucwaningo lunezingxenye ezi-3: ukuhlungwa, ukwelashwa, nokulandelela.
Ubude bocwaningo yizinsuku ezingama-28 futhi lunokuvakasha kocwaningo okuyi-7 noma okuyi-8.
Isikhathi Sokuhlungwa
Usuku 1
ukuvakasha oku-1
Uyonikezwa ifomu elinalo lonke ulwazi mayelana nocwaningo. Sicela ubuze udokotela wocwaningo noma izisebenzi zocwaningo nganoma yini ongayiqondi noma ongathanda ukuba ichazwe kabanzi. Uma wena/ingane yakho ivuma ukujoyina, uzocelwa ukuba usayine futhi ufake usuku eFomini Lemvume ngaphambi kokuba kwenziwe noma ikuphi ukuhlola noma izinqubo. Intsha izosayina futhi ifake usuku eFomini Lokuvuma Unolwazi. Kuyokwenziwa ukuhlola kwempilo namathesti ukubona ukuthi ingabe ucwaningo lukulungele yini wena/ingane yakho.
Isikhathi Sokwelashwa
Izinsuku 1 kuya ku-5
ukuvakasha oku-1
Uma ucwaningo lukulungele wena/ingane yakho, kuyoqalwa ukwelashwa kokuvimbela isifo. Idosi yokuqala yomuthi wokuvimbela isifo izothathwa esikhungweni socwaningo ngoSuku 1. Wonke amanye amadosi azothathwa ekhaya.
Ababambiqhaza bayocelwa ukuba barekhode izimpawu zabo ze-COVID-19 kudayari kabili ngosuku kuze kube uSuku 28. Idayari kufanele igcwaliswe cishe ngesikhathi esifanayo nsuku zonke.
Isikhathi Sokulandelela
Izinsuku 6 kuya ku-28
ukuvakasha oku-5
Ngesikhathi sokulandelela kuyoba nokuhlolwa kwempilo okwengeziwe namathesi okubhekela ukuphepha kwakho.
Yiziphi izinhlobo zamathesti nokuhlolwa kwempilo engingazilindela?
Akuwona wonke amathesti ayokwenziwa kukho konke ukuvakasha.
Umlando Wezokwelashwa
Ukuhlolelwa Ukukhulelwa
Ukuxilongwa Umzimba
Izimpawu Ezibalulekile
Iswabhu yamankanka
Ukuhlolwa kwegazi
Amaphepha-mbuzo
Amazinga Okushisa Komzimba
Usukulungele ukuqalisa?
Bheka ukuthi ingabe lukulungele yini ucwaningo lwe-SCORPIO-PEP noma uthole isikhungo eduze nawe.